Studiespesialisering

Første året (vg1)

Det første skoleåret inneheld mest fellesfag, men i matematikk må du enten velje 1T (teoretisk), som dannar grunnlag for programfagmatematikk i vg2 og vg3, eller 1P (praktisk) om du ikkje treng programfagmatematikk i vidare studiar.

Alle skal ha framandspråk som fellesfag. Her kan me tilby spansk, tysk og fransk for elevar som har følgt faga på ungdomsskulen. Skulen tilbyr tysk til elevar som ikkje hadde framandspråk på ungdomsskulen, eller som vil bytte til eit nytt framandspråk på vidaregåande. 

Me tilbyr toppidrett som programfag på vg1 – les meir om det her

Andre året (vg2)

Det andre skuleåret vel du halvparten av faga (programfag) etter eige ønske. Det er lurt å velje fag som interesserer deg, sidan det aukar både motivasjon og meistring i faga. Os gymnas tilbyr ei rekke programfag innan programområda:

Realfag

Biologi 1, fysikk 1, kjemi 1, 2P-, R1-, S1-matematikk

Språk- og samfunnsfag

Engelsk 1, psykologi 1, rettslære 1, sosiologi og sosialantropologiI 

Breiddeidrett 1 og toppidrett 2 blir tilbydd som frie programfag.

Du kan også ta enkelte andre programfag som nettundervisning via Nettskulen i Vestland.

Det er også mogleg å ta Vg2 som utvekslingsår i utlandet. Her kan du enten nytte Vestland fylke sine utvekslingsavtaler, eller reise med private utvekslingsorganisasjoner.

Vg2 i utlandet? Her finn du meir informasjon om tilbodet gjennom vidaregåande skular i Vestland.

Tredje året (vg3)

Det tredje skuleåret vel du også halvparten av faga (programfag) etter eige ønske. Os gymnas tilbyr ei rekke programfag innan programområda:

Realfag

Biologi 2, fysikk 2, kjemi 2, R2-, S2-matematikk.

Språk- og samfunnsfag

Engelsk 2, psykologi 2, rettslære 2, politikk og menneskerettar, sosialkunnskap

Breiddeidrett 2 blir tilbydd som fritt programfag.

Du kan også ta enkelte andre programfag som nettundervisning via Nettskulen i Vestland.